100 suspeks sumuko sa South Cotabato; takot kay Duterte

KORONADAL CITY - Patuloy na dumadami ang sumusukong sangkot sa iligal na droga sa probinsya ng South Cotabato.

VIDEO OF THE SCHOOL & ENROLLEES!

Ito ay kasunod nang pagsuko sa pulisya ng umabot sa 35 katao sa bayan ng Banga, South Cotabato.

Ito ang ipinaabot na impormasyon ni P/Insp. Ludovico Rendahe ng Banga PNP sa Bombo Radyo Koronada kung saan pinapirma ang mga ito ng affidavit at nanumpang hindi na gagamit ng iligal na droga.
Subalit sa kabila nito, patuloy silang imo-monitor ng pulisya upang masiguradong tinutupad ng mga ito ang kanilang pangako.Maliban dito, may apat na katao rin na sumuko sa Norala PNP na nasa kanilang drug watchlist.Napag-alaman na unang sumuko ang umabot sa 45 katao na sangkot sa iligal na droga sa bayan ng Surallah.Kaugnay nito, binigyan naman ng pulisya ng hanggang Hunyo 15, 2016 ang iba pang dawit sa illegal drugs na sumuko na upang hindi mapabilang sa isusumiteng mga pangalan sa higher headquarters at magiging target ng "Oplan Rody" sa pormal na pag-upo ni President-elect Rodrigo Duterte.

Sources| BBR |